海霧

海霧、植物圖書館、海邊讀書會

今日朝早同下晝個活動都咁特別 >.< 唔知今日個IG post 點算

朝早係同onebite 上環植物圖書館嘅街坊，一齊畫地圖寫故事。其實今次已經係佢哋第四堂，而且好多本來都係植物愛好者，植物專家，家中有百幾盤植物的人等等。

而我哋今朝就一齊喺見山嘅大樹下, 聽佢哋喺上環搵咗嘅植物故事，包括好多店舖外嘅花草樹木，例如有老外因為無擺土地公公，就放棵植物喺度代替，各式各樣得意嘢。

大家都好有創意，以植物作第一身寫故事。

除咗有我分享繪本故事，同埋同佢哋一齊畫地圖嘅部份，sarah 仲lead 佢哋去做一啲intervention。大家畫畫都好靚，啲design idea 都好有創意呀！！！

big big thank you to 見山

然後下晝就係上期繪本班嘅同學仔分享佢哋嘅end product, 現在來到第五屆了， traditionally 我哋都係喺香港唔同書店展示大家嘅成品，同埋搞分享會，今次卻在我家。希望佢哋腳無因為坐在地上脾了。

本來是兩小時的分享會，因為有小貓小狗就變成三小時了。

每一期的繪本班dynamics 都十分之不同。這班是唯一一次全女子的，我很喜歡我們班cap size 在十二三個人左右，寫作畫畫畢竟是關乎到一些十分personal 的經歷，少人的話比較容易坦誠分享。以前的班試過有全班都是文創勁勁的，也有試過很多同學都好有經歷的； 覺得這班的同學雖然係二十幾到六十歲都有，但比較溫柔又有活力。

然後，出來的繪本，除了有一本三級的偷情歲月，
也有十分之感動，關於女兒跟爸爸每周一次騎單車的，畫十分之靚，故事很平凡，但令很多人感動，小助教還睇到喊；
有差不多要退休的媽媽童年新蒲崗的回憶；
不想睡而想到跟朋友仔的故事；
也有一個女孩子在老人院工作，寫到老人院裡的日常； 
也有一本我覺得應該改名為一七年九月四日；
一本關於左右小腿的；
還有cheting 的我們香港故事。
兩位小助教都分享了她們的創作，兩本都好正。

能夠跟大家一起坐着傾計，對我來說已經係好開心........... 
好多謝同學仔跟我們分享自己的故事，又咁短時間都努力做了一本繪本出來！