這種上一代中型家庭式工業，也有點像近日面臨收地而被逼關閉的志記界木廠和古洞的豉油廠。有些人也許覺得這些東西過時，但它們也訴說着一個城市的故事，也有好多人認為手造的更好，也有很多人去旅行專程去當地的柴窯、豉油廠見學... 最重要是很多這些工業的主人本來都想做下去的.... 奈何，就是很多奈何。
八十年代古物古蹟辦事處成立初期，打算把龍窯打造成一個living museum, 亦都得到好有學識又好愛heritage 的窯主一家支持；但因為官員轉換，最終開始了沒做完，而幾年前更因為起樓而差啲要拆咗佢。好彩經過大家努力，現在得以保留。
亦出了一本紀錄窯的故事的書。我曾聽過人覺得龍窯本書太深，睇唔明。
又有聽過「專家」本書覺得太淺... 「像給中小學生讀的書」（笑）
我覺得對一般人來說係有啲啲深嘅，不過book writing team 都盡力找一個大眾能relate 的切入點，又用好多圖畫相片來補充。透過十件這條窯曾經produce 的民間用品來解說窯的歷史、運作和故事。
我反而好鍾意本書講得深入一啲，而唔係蜻蜓點水式地講啲有趣故事。
另外........近日好多家長和老師send 《心急狸和慢子狸》的工作紙俾我。
而剛巧很久以前畫的那三本生死教育支援服務的書和相關電影和教材又進行發布會。
這三本書的共通點，就是.... 都是2019末, 2020 年初畫的，covid 初期，那時我一個人跟喵喵、Rosie住在海邊，所有班和對外活動都取消了，只是瘋狂畫畫，那幾個月車都無搭咁滯，只用步行的方式去想去的地方。主要是覺得是個好玩有趣的challenge.
回想起來卻是一個十分magical 的冬天。
有時，面對世界不公義的事，人的病痛，每天讀着可怕的新聞，身邊朋友要受的苦，幾乎不能入睡，覺得做人這件事真係好無謂。人類好可怕好邪惡。
但有時諗起做創作的快樂，就覺得好想長命啲, 不過，in general 都係覺得做人係好無謂，人類係好可怕，但有嗰啲 Oh i wish i have more time to work on the things i love，只係有呢啲moments, 我已經覺得very blessed.
有時我會諗，有啲生物好似力力咁，佢乜都無做過咁滯，但都帶俾我哋安慰和inspiration, 所以我哋都唔應該低估自己嘅力量。
只是瑣事小雜記
No comments:
Post a Comment