泥漿

噼嚦噗咯在泥漿浴裏
由去年夏天傾到依家，《我們的故事+1+1》 動物部份終於(!!) 開始了！
是藝想師傳仔 + 動物仔 一齊在泥漿裹互相認識。

你記得「我們的故事 1.0」嗎？2019 年在灣仔電車站出現的大地圖和薯蛋人, 我知道我講幾十次啲人仲係好confused, 所以我次次都要repeat, 藝想是一個以智障人士和自閉人士為主的陶藝工作室，那兒的師傳仔都是大人，有很多做陶泥近十年了，他們的作品都好專業，什至試過到韓國、日本展覧。過去兩年，他們跟社會上不同人士合作，就是「我們的故事1.0 」

現在來到2.0,第二個兩年,  span over 兩年的計劃之中，師傳仔會同以下六組嘅人互動
- 跟拾坊到南涌跟農夫在土窯認識泥的出處和煮pizza 
- 跟同樣做泥的林嘉欣做傳聲筒給心光學校的小朋友
- 我們這個部份就是 師傳仔跟動物和他們的主人一起用泥土創作一本繪本
- 沙畫藝術家馬仔跟少數族裔家庭跟師傳仔的表演
- 既是醫生又是燈光藝術師的Amy 跟師傳仔用陶泥做一份禮物送給這段日子辛苦抗疫的醫護人員
- 還有一部份是海外藝術家的

今天總共有五隻動物仔參加，大家都出奇地乖，專心睇主人做泥，而師傳仔都好鍾意動物，尤其係家豪，個個都話要抱狗狗。
主人們都好好，要抽平日嘅時間嚟參加，而且要commit more than one session, 大家都來自香港各個遠處角落，放低手上的初生嬰兒，或者係家中其他四隻狗，和公司的工作，來跟藝想的師傳仔以及泥土做朋友。

希望大家都享受跟泥土接觸同埋認識新朋友。
下周又會再見大家喇。