焼き

昨天去明慧家食sukiyaki! 
可憐小狗，雖然只有三隻腳，但整晚用盡全力，要站起來偷桌上東西食。
大家說笑，狗仔Jasper 心諗，「我以前雖然身世可憐，喺新界嘅村落啲人好衰，我俾車撞斷腳都唔理, 又唔帶我睇醫生，睇住我痛到隻腳最後留唔到。」(真人真事unfortunately)
「但你呢班都唔係好人，煮啲咁香嘅嘢食，但點都唔肯俾少少我，又話有汁又話甜。
但整晚把房子熏滿肉香引誘人。
仲話呢個只係火鍋季節嘅開始。」

幸好，忘了那個人類說，下次會預備一個小鍋，分開用白滾水煮啲和牛toro 俾我。

Japser 也是來自LAP 的小狗。
像他及早前另一隻超慘的poodle (一直被放在半廢棄的鐵皮房子外，兩隻後腳都跛了，又無毛）都是一啲特別個案。

想起上周黑雨那天，我和Veronica 去了浸會大學做關於香港動物的講座，Veronica 說到，相比努力在social media 寫post etc., 最有效能夠令大家真切地明白和認識多一點：
- breeder 的殘酷和嚴重性
- 領養暫託是什麼
- 放養狗的問題
- 為什麼要trap-neuter-release
- 貓狗究竟是那裹來
- 解若不能領養，還可以做什麼幫忙動物嗎？
最有效能夠令大家真切地明白和認識多一點，就是有機會親身跟別人解釋，答他們的問題。

那天講talk 黑雨，這班有八十個學生。
lecturer 是見山店長之一的V, 她是一個很typical 的見山店長，優雅又有學識，但有特別的氣場 :P 有比較嚴肅和認真的感覺，唔係泛濫親和力那種。

她告訴我家中孩子當然一直很想養狗（孩子其實是年輕人了）但因為自己還是對動物有0.1 的驚驚，所以就沒有養喇。但整個lecture 她都在偷拍Paco 柴柴！
學生固之然極之興奮雀躍，講師偷拍之外當然依然優雅冷靜。

但talk 完了後一兩天，她就send 了狗狗相給我- 是她剛從LAP 暫託的狗BB ，她說talk 一完了就填了foster form, 那晚就說，狗狗好像已融入家中 :P 
好感動的事。