今晚教完班，笑完好多，聽完好多有趣故事都好唔捨得瞓，雖然超超超超超眼瞓。
明明同學仔嘅故事好多都講好認真嘅嘢，如年輕嘅患癌經歷，二十年間一家人看電視由一齊笑到一齊喊；被男友拋棄剩下貓貓和自己；一家人本來三夥星星現在兩夥從天空掉下來；孤獨但不孤單的人生；雞食雞嘅世界；出走外星球的恐龍等等；但我哋都總係找到好多大笑大叫嘅時刻。
上一期嘅繪本研習班嘅 exhibition 已經開始咗喇！仲有Lab 其他fellows 嘅展覧。
Gi 寫的: //繪本創成展的部分作品，以孩子、成長、友情、生死為題，全為一班新手作者心底的故事。
或者，創作繪本就是當小孩的練習。以孩童的心思，拋開老練的繪寫技巧，把從沒向人吐露，如孤島小石的故事，毫無顧忌地繪到紙上；如樹洞，暢快地分享內心秘密。
是次繪本創成展，由十一位繪本新手，以童趣的視覺，用青澀卻純樸的心思，書寫一個個不為人知的故事，藉此敞開內心孤島的一扇窗，讓陽光溫柔地灑進去。
願讀者能一一以繪本為門，走進這些洞穴，展開一趟心之旅程。
在紙的樹洞，定能找到共鳴之音，聆聽回音，照見內心。//
今晚呢班好歡樂，雖然一開始分享了一本我喜歡的書，然後又搞到人喊。
教了四個season, 差不多三十堂，但仍然會不停思考緊點樣可以教得好啲，有無乜嘢有趣嘅活動或者prompt 可以幫到佢哋寫故事，分組好定唔分組好，不斷試吓加嘢減嘢。好想去上好好朋友+swim bud yvonne 嘅HKU creative writing class, 而佢都好認真話好想上我個class, 我哋由一開始一齊游海就會一齊喺深水灣浮台討論我哋個班分別要教啲乜嘢，有乜嘢學生。
我成日（明知故問佢）寫作有無乜嘢秘訣，佢就會答我無 - 寫多啲。
佢嘅班應該structure 同認真啲，有classics reading.
其實我初初都聽佢講佢教creative writing class 係好像同學生傾計，turn out 我哋嘅班去到第六七堂都會係咁。
雖然教咗好一段日子，但教班之前嗰日我都係要將成日空咗出嚟， 去思考個class 做乜 XD 有時都仲係會諗點解我會應承教繪本研習班....
然後每次上完堂就會諗- 突破千祈唔好唔要我，我仲想開新嘅班（同埋真係好多好多人成日問，可以報下一班未）😭😭😭😭
No comments:
Post a Comment