郁健謙哥今晚做了麻糬糯米，他說要來拜灶神，也拿來鄰家給我們分享。
雖然我不吃，但不知怎麼也感受到快樂氣氛。
見山隔離係郁健快餐。
謙嫂絕對唔係一個一般嘅快餐店店員/主，
彤彤故之然也唔係一般嘅小朋友。
.
我聽唔同人都話郁健的食物很不錯，所有見山店主都常常光顧，差不多未見過她們從別處買食物的。
.
郁健間店超靚靚，跟見山一樣在大樹下，還有很多半室外的坐位。
午餐時間客人熟練地打開摺枱，散落在大樹下，由很久以前經過已經覺得很開心。
.
近期sharon 寫過謙嫂。
「這是典型的香港婦女。
早上要照顧孩子，然後來鋪頭幫手，收鋪後還得急急腳趕回家做頓晚飯。
但我從來沒有聽過她怨過什麼，總是笑，遇見街坊笑，遇見外國人也笑。
我炒車，她比我還緊張，逢人便說，擔心死我了，第一次見她幾乎掉眼淚。」
是真的。
謙嫂頭先話，唔知我「從來有無食飽過」
她真的很細心。
Sharon 都曾經同Jeremy 講話未見過我開懷食嘢。噢....
然後近日後面還開了一家新咖啡店 stain + 晚晚炒豆，超香，炒豆的香是獨特的。
我總係覺得見山係要有埋郁健，有埋背後棵樹，有埋坐在街邊帶住狗食大排檔的人，才是完美和漂亮的。
所以我喜歡畫地圖而唔係單一building.
所以人哋個個國家都做全區保育唔係single building conservation.
竟然講到啲咁認真嘅題目。
當然還有太平山街的始祖茶家。上周小市集我一天喝了三杯，
我message 茶家老闆Nana 問她if she is proud of me.
她說「太平山街是妳家」😹❤️
想起在所有這些人和事之前，我跟Nana 很多年前已在茶家做街邊大地圖的市集。
那時周末會有 live music.
時間過得很快，中間發生了很多事。
我在郁健找到我食的東西，也是難得的。
有願意，不嫌棄跟我食嘢嘅人也是難得的。
有啲人好渣 好難頂但也有得意嘅一面。
有啲人好有愛但也有心情煩躁嘅時候。
人真係既簡單但又複雜。
見山今天來了一張新的過年黃色符，寫住「豬隊友退散」也有紅色的「乖乖食藥」
也有見山出品的「放長雙眼」
也有我的動物班相postcard.
明天是陳健民當店長。
周末啊, 也可以過來找我。
No comments:
Post a Comment