赤柱

呢個半月行咗幾多山，好開心。
雖然對別人嚟講呢啲唔算係行山，但我總係覺得，持之以恆嘅每日小運動，好過一次行好勁嘅山，然後過累。
有同sharon 同yvonne 行過要爬的野路啦。
隨心行咗上山頂和灣仔峽好多次。
有晚間散步啦，又ad hoc 行咗獅子山。
去咗梅窩（不過只係行小村）
經過山上面行去銅鑼灣；由黃泥涌水塘行去赤柱，同埋薄扶林水塘，仲去鴨脷洲買真海魚添。
買新鮮海魚嘅笑容係未見過㗎！ 

不過相比未有virus 前/或者夏天，依家真係做少咗好多運動。

呢幅畫較少post, 但其實在我牆上frame 了，赤柱嘅地圖我總共畫過兩次啊, 但swim club style 嘅畫就無畫過喎！明明我好鍾意游赤柱嘅海！
這幅是孖崗山腰望回赤柱和馬坑。

好想念有次swim club 由聖士提反灣游去另一個灘那次。
唔知今年我哋仲會唔會有機會游海，因為大家都好忙。
當時swimming poster 還未畫赤柱的秘灘，還有重要的淺水灣。
Compile 佢哋做一本好細好細嘅書，係我一直嘅心願。

每次去赤柱都感覺像回家。
數年前我跟MW曾在海邊做過一個installation，是個三米鐵架掛住一千四百個回收的水瓶，全都是我們自己洗，自己剪線自己掛。真係好年輕。剛巧我們倆都想起。