下巴

 

⭐️屋企貼住獅子下巴🦁 關於新書，來自你們的留言

很多很多人告訴我：「我哭了 」「睇繪本睇到喊都係第一次」
「望倒自己住既舊屋邨(我住趣園樓架)。回憶返曬嚟 留咗一滴眼淚。好掛住每一樣野 商場街市入面嘅嘢食 學校 鄰居，好多謝你整咗呢本書呀 😊🙏🏼」 

「令記起以前住喺獅子山下嘅日子，屋企貼住獅子下巴，在港島望過去九龍見到獅子山就見到屋企，睡房遠望啟德機場，飛機好似在窗前飛過咁，以前仲有馬仔坑村，又可以見到日落西山西環嗰邊。曾經有個晚上經過慈雲山佛堂，好多唔同顏色霓虹光管照住D佛像，由下向上望好似有D詭異，入面仲有D下地獄情景....我都有先人喺嗰度唔知係咪黃大獅嫲嫲鄰居呢。」

「每一頁,每個街角都充滿回憶 故事生活化,我女女只得2歲,都好鍾意睇,自己主動揭開逐頁欣賞! 多謝你地用心製作」

You can't imagine, how much your feedback, and messages mean to us!!! 
Not just me, 因為是整個team 的努力，編輯，生死學協會，社工的經驗，幫過我嘅街坊等等。
不過，我想說我才是哭了那個, happy tears, 但還是常常哭了。

讀者: 「睇到最尾 又喊咗。 另外, 你真的畫得好細緻, 我要用放大鏡睇。
好多謝你畫我屋企出來, 因為真係無人認識呢個咁好嘅地方。」
讀者: 「我真係唔知點解會喊。看完嫲嫲那一句。
可能我好想天上不熟識的父母, 會記得我吧....」
=============================================

我那天都未開始喺IG 講「今日有得攞喇！」就已經很多很多人去拿。
你哋班人真係痴線的。

==================================
本書是免費的，真係給黃大仙人的禮物。
我哋都用足心機做㗎。

謝謝 木棉樹出版社及生死教育 X 伍桂麟

🐝以下1-3係我們派發點🤍
1。25個區議員辦事處- 對！黃大仙區內是有二十五個區議員辦事處
（例如牛池灣、竹園上、竹園下、彩雲、慈雲山等等）

2。黃大仙家居服務中心
3。路德會龍安展能中心

🏥4-8係存放借閱🗺
4。香港佛教醫院 病人資源中心 (九龍樂富杏林街 10 號香港佛教醫院Ｃ座1樓)

5。東華三院黃大仙醫院 病人資源中心2 (九龍黃大仙沙田坳道 124號東華三院黃大仙醫院2B座)

6。48家幼稚園

7。另25中學、29小學

8。3安徒生會、7區內圖書館

==================================
呢本書係關於獅子爸爸和小獅子喺一個大清早去到獅子山下嘅黃大仙。
小朋友沿路不停話要買呢樣嗰樣，貼紙、叉燒、芒果、等等....
同埋經過幾個想起爸爸童年嘅地方。

去到最後幾頁你會發現，佢哋當日係去掃墓唔係野餐，而小朋友想買嘅都係嫲嫲喜歡嘅嘢（唔會文字上交待但總之係咁啦）佢亦會把貼紙貼在嫲嫲個墓碑上面。但我哋唔想全本書只係得一個人死咗，所以會輕輕提起仲有第二啲本來喺呢度嘅人或東西都已經唔同咗喇。
==================================