自做生活節開始提起過餵水牛婆婆，平日身邊做出版書店嘅朋友，平日在LAP見到的暫託家庭和義工，好多好多，都好像在做一些金錢以上，的長期堅持，好神奇。
但應該補充吓昨天寫的新post - 雖然我自己好鍾意木棉樹出版社，但其實可能喺好多人眼中，同佢哋出書一啲都無好處，佢哋幾乎唔做推廣的！一不小心，你本書可能永遠在倉底。
然後佢哋一直堅持所有小朋友都要買到本書，所以全都只賣$38-42（其實窮的小朋友很多，或者係無咁有錢啦，$100 本書什至 $200 對好多人來說都係好貴）
因為平，所以唔會做hardcover，好多人都可能夢想出靚靚精裝書（我都好鍾意 ，但租倉、出版、搬運的成本都會變得更高）
所以我諗對好多今時今日年輕作者嚟講，自己印好過。
不過又，其實有專業嘅編輯都真係好重要，佢哋有experience with 選紙，連排字都係學問。
佢哋翻譯書連廣東話都講究押韻的，當然無人知啦。
世上好多好多出版社可選(even in Hong Kong ) 鍾意木棉樹，除了因為我係創刊號就開始讀雜誌嘅小讀者，亦都可能因為我哋嘅想法好相近（在aesthetic, poetic, 和literary 上 - 一堆賺唔到錢嘅概念）
所以沒有什麼值得其他人羡慕的。
當然佢哋都有佢哋嘅家長、小朋友和作者fans.
堅持賣咁平真係好癲嘅堅持。
之前說過，因為賣得咁平，很多大書局也不想賣，因為四十蚊分一半也只分得二十蚊，太不化算了。
她們初開始做木棉樹出版社時只有兩個人，兩個都要從家中偷錢、碌爆男朋友張咭(係真事 ）
係碌爆自己同男朋友張咭，找唔到數。
半夜做part time (為三級片配音😹）幫補出版社之出。
當時雅文儲了十幾萬，但出了一兩期就使晒啲錢(印嘢租金等）....
真係好瘋狂，咁都做咗二十年....
點解會咁有夢想 ，開一個兒童文學出版社，節衣縮食，成日通頂，每個月只使五百蚊...... 我唔明.... 所以有訪問形容佢係脫俗嘅仙女，唔係話佢好靚女，係因為佢同俗世係無關係的
不過好多人都好似Sa 姐咁講 - 「其實人搵到自己可以鍾意一世嘅嘢係好難得亦好幸福。能夠為此不惜代價去堅持真係好值得尊敬 當然要有型到佢咁，幫三級片配音去subsidize 童書呢件事真係好癲同legendary」
No comments:
Post a Comment