報章

朋友說要去見山買埔journ，我叫他立刻先來跟我食午餐（因為我知道見山入咗勁多貨，第一批我親自送去後，賣晒，Sharon 再親自入大埔大手入貨）

食完午餐，穿住牛油果核和洋蒽皮天然染的漂亮衫裙，悠閒地從堅尼地城行往見山

見山正進行一人市集，Sharon 說：「得返兩本了」然後就在我眼下俾人買晒！

我跟總編輯說: 「其實，我想在dear tree 出個post 話本嘢終於出咗。但依家都唔使出。」

總編輯：「🤣我鄰居今朝見到我 問本書幾時出，我話… 賣晒了」

我覺得睇住總編輯 - 映彤都係做住學，真係好癲，做採訪，寫字，找人，放街站，跟藝術家七點到街市看社區問題；找歷史，訪問香港秘境 - 我個friend 塊稻田....

做到中期都未知去邊度印，又未知用乜嘢紙，又要keep 住個social media。

用嘅係 - 自己做咗咁多年嘢嘅積蓄。

都無諗過話點樣拎去邊度賣，真係好勇。

原來一開始小店只敢stock 五本十本，原來送貨好浪費時間和錢。

我覺得本雜誌的定位很好，令人很容易由頭看到尾- 六十頁。

有人問我係唔係真係咁好睇。

我話，對的，佢勇係一件事，但係係真係好睇的。