花生

灣仔的一千零一夜之那隻巨大的猛獸

我今日最印象深刻係好出名，住在灣仔六十年嘅may 姐（也是藍屋故事館嘅導賞）話佢住咗灣仔咁多年都無撞過鬼，只係撞過市建局呢隻最大嘅鬼, so much 共鳴。

也有一個穿得很有型的伯伯經過，他該有九十歲了，每天仍着到咁型，戴住帽，落去買報紙。真係好得意。同埋佢住秀華坊唐樓，除了要扒上聖佛蘭士街，還要再上埋秀華坊嘅樓梯然後再行唐樓樓梯，都幾癲吓。

阿古最有印象係收養植物嘅劉伯，同埋用盆栽擋住車入嘅店主。 當然唔少得之前提過，垃圾站頂的秘密花園啦。

_________________________________________________________________________________

我沒想過這麼多同學仔無來過這個歷史豐富嘅街區。

尤其是這裹已經經歷了很多巨變，而且現在又夾咗兩個大地盤間。

可以跟同學仔分享這個區我當然是超開心。 但也總是很擔心沒有教到他們什麼（無論是畫畫還是係寫故事） 我就只能用心分享我認識的好故事。 但我覺得相比好多同學仔，例如話係做自然教育嘅vanessa , 或者可愛嘅文卿，每個人都在她們的領域上很專業的。 就算是在 trial and error lab, 我都覺得當老師，實在好不容易，是背負了別人對你嘅信任，其他人上班一星期然後來上課，所以總是好擔心，會不會浪費了別人的時間。

不過，我又一直很深信，there's no actual way of 你去上一個堂，然後就會寫到一本很好很好的書。 如果有嘅話，那些人一定在騙你。

有時寫個好故事，實在係要不斷每天努力，那些叮一聲的moments, 唔會係突然從天而降，大多數係要靠你努力每天寫一啲，培養這種觀察方式，才會有天遇到那個叮一聲的moment 的。

不過我覺得行者班嘅學生們都好可愛。希望佢哋都享受靜下來，在鬧市後花園畫畫嘅時光。

享受聽這些香港故事和喜歡今天的繪本。

（平日印嘅A1 灣仔地圖，其實都未夠大，讀不到裏面寫的，我總是本住自己做香港歷史教材的心態去做故事地圖，沒有提起因為我不是專家:P

純粹因為讀書時無讀香港史，聽說現在通識科有了）

記得之前咪講起日月星街垃圾站，那個由垃圾站工人打理的，最美的天台嘅。

剛巧那裹也是維多利亞城第一個電廠 （從街名日街、月街、光明街可以看到）

是歷史滿滿的幾條小街。

又有好多好有趣，由街坊打理嘅小植物群。