雪糕

「船到橋頭生活節」期間，我會跟大家在芝麻灣一棵漂亮大樹下野餐和畫畫，那裹有藍綠色溫柔的內灣，清澈小溪大草原，一位好有心的島民和她照顧的二十隻水牛... 

第一次跟搞手去芝麻灣時，我嚷着說，一定要留住芝麻灣呢個無artist 入proposal 嘅site。

同埋，到時除了畫畫，我想賣雪糕（香港人嘛，總要找點食物做bait) 

我說要賣Happy Cow 芝麻味雪糕（因為是無牛奶，講緊保護水牛嘛）的香港本土品牌，芝麻味就因為係芝麻灣啦！ 

Happy Cow是2013年於香港創立的純素雪糕，不含奶、蛋、大豆、麩質，相比一般雪糕低膽固醇和低糖。

Happy Cow這個名是為了紀念一隻將被送去屠宰的大嶼山原居牛，最終被放生了；創辦人的使命就是希望廣大消費者關注動物權益。

點知，過咗幾個月, 搞手阿Kit 話他真的問到Happy Cow, 會免費sponsor 我在芝麻灣嘅參加者，三日的雪糕，所以你們來探我（夠早的話），就有雪糕食。 

我哋coordinate 將啲雪糕同乾冰搬入去，都真係好大工程 - 大概就係我一個女仔要搬住啲畫, 顏色, 雪糕同冰，嘢搭幾程船，同埋攀越小山咁。

我唔明點解我哋都咁瘋狂。 

有啲人話，做呢啲生活節好contradictory, 又想多啲人知地方幾靚，又怕人當它是打咭廸士尼。

但若果沒有人欣賞這些美，也可能永遠消失了沒有人記起。

我還從另一個記者口中聽到，生活節差點眾籌唔夠錢，要幾個搞手自己貼。

其實不過係眾籌幾萬蚊，artist 應該有少少artist fee (搬運樂器，印刷大地圖，買豆做腐皮）都是錢呀，參加全部活動都是免費的；就算係印banner都要錢吧。

（雖然我聽到啲artist 成日講話自己無諗住要錢:P 就算有都會捐咗佢) 

好彩最後都籌得夠。 

很喜歡jess 寫嘅嘢，聽聽她談芝麻灣： 

「...在大嶼山自成一格的芝麻灣。這裡有一片可以讓大小朋友、小狗、大水牛奔跑的大草原，這裡有一位好有心的島民照顧同保護一群可能係全香港最幸福的水牛，這裡有一段正在被人淡忘的香港越南船民歷史，這裡有一間自負盈虧用生命影響生命做青少年工作的基督教正生書院（不過還未有機會去拜訪），這裡有一棵大榕樹仍屹立在昔日村民及孩子專用的足球場。

住在同一片土地上，除了行商場、嘆冷氣、無限data用嚟回覆覆唔完的whatsapp訊息、香港還有很多不一樣的生活方式，這個就是我們想要和大家分享的一道生活風景。」

「謝謝愛心同笑容滿滿的插畫師Connie與我們結伴再次來到芝麻灣，穿梭在大嶼山島嶼與島嶼之間獨有的橫水渡，海浪聲混合引擎聲再加上機油混合着海洋的氣味，無論搭過幾多次，這趟船程沿途的景色，是一道看極都看不厭的風景。」

尤其是這幾個hashtag 
- 重點不是節目而是想和你分享香港另類的生活風景
- 怎麼會捨得污染這片海洋
- 撤回明日大嶼
- 我哋真係好L鍾意大嶼山

這兩天終於暫時(!!)靜下來，但又不停懷緬在太陽底下跟好朋友們的歡樂時光。