海星

昨天把病喵喵接回家了，做完手術，傷口康復和不復發都係漫漫長路啊。他在醫院的樣子很可憐，四十八小時沒吃東西(緊張性格加上在陌生地方面對陌生人，被打針/gas down，周圍都是病痛叫救命的動物，雖然係去動物界嘅養和，但簡直好似去咗集中營咁，可能因為咁，所以我喺LAP 係做foster coordinator loh, 幫啲細個/病嘅無家動物仔找暫託家庭嘅意思），幸好一回家就食了很多，也沒有躲起來，記得是屋企了，還把頭睡在我手裹。

回家五分鐘已立刻自己脫掉個cone，但忘了還有餵藥這件事，泡泡泡晒出來。你看他四隻小手都被剃了毛，露出紅紅的肉，肚仔也貼住大膠布，很可憐, 真係要快啲好返先得呀，很想可以留在家陪他，但未來一個星期天天都要外出工作....  可能真係要過埋成個十一月先會得閒啲.... 

那天跟Carrie 同學仔去探常霖法師，他說若干年前見到每年無論中小學定係大專，每年都有人自殺，想做一些事，雖然知道很難。但是本住「拾海星的人」的心態，開始了這些工作，希望大家面對煩燥和壞情緒時要「停一停 心呼吸」，不讓負面情緒繼續蔓延。

我想大多數人都聽過拾海星的人的故事，類似就係每天海灘上潮退時都會有成千隻海星被沖上沙灘上，有個人每天都去把那些海星逐一放回水裹，但其實只係救到一少部份。有人看他這樣做覺得佢好浪費時間「你救得一半不夠，明天海星可能又沖返上嚟」但那個救海星的人就說，雖然每天只係救到50%，但對於那一隻被救的海星來說，就是他的100%. 

我也把這個故事告訴了Nigel 和Sa姐姐聽。
想着我們要做的原因，唯有辛苦啲都要再把每件事做好少少啦... 

昨天我自己也去瑪麗醫院覆診，帶住我那張勁大張嘅schedule (因為work 之外也做返啲嚴謹啲嘅exercise/food log）上面也畫了貓貓去睇醫生，醫生護士對我呢張大紙都好好奇，剛巧昨天見的醫生自己家中也有三隻貓，其中一隻是18歲CKD 貓，天天要吊鹽水。在公立醫院睇outpatient clinic, 有時會遇到一些年輕一嚿雲般旳醫生，但有時也會遇到一啲醫學院的高級教授，好奇怪點解佢哋要巡ward, 教書，做研究，但仲要嚟呢啲咁嘅outpatient clinic 睇病人....... 佢哋都很好呀，雖然我等咗個半鐘(笑）

見到好多好多人買咗埔journ 話好睇，好戥編輯開心呀。