醫院

今天去完醫院之後，一直感到很疲累；醫院很多很多人，專科診所窗外風景很美，但護士忙得永遠沒有機會去看。她們常常要大聲說話，因為很多覆診病人都是老人家，明明紙上寫明所有資料，但還是會不停重複再問。
看見病人和醫護人員都覺得很辛苦。
大堂有很多很多人，看來他們要等𨋢等很久。
想起那些總是認為政府要不斷發展才可以令城市裹的窮人生活改善的「朋友」（嘔）
我也不明白為什麼今天感到這麼沮喪，回看生病的日子，感覺也沒有什麼超大沮喪嘅moments, 有很困難很困難嘅時候，很多；因為physically 嘅difficulties 同埋要live with both regularities and uncertainties.
做全職工作時，雖然已經在一個世上最美好嘅工作環境，但還是會被不理解。
心靈上和身體上也有經歷過特別痛苦嘅時候，有看過psyc 和Clinc psyc, 相比當時，現在應該沒有什麼大不了，但為什麼今天還會那麼難受。好像是覺得，自己已經很努力，但有些事情還會是意料之外的； 或者已經好努力，但身體不是努力就一定會好的。
（所謂的努力，除咗食得健康啲、每日做運動，還有swim club outing 同埋做開心的事如畫畫，都係努力嘅一部份）
還有就是，有時part of 生病的世界，好像跟身邊所有朋友都沒有common ground. 其他人都在跟你說那些不知道是什麼東西時，你還在醫院等驗這樣那樣。
在我們的領養中心，每天都會有來自不同地方的貓狗，被棄養、滿身傷痕在街上流浪的、被繁殖場遺棄的都是最普遍。而當中就算是從街上來的小貓小狗，有時也會有十分嚴重和致命的疾病，有時亦會有些不能輕易找出diagnosis 的，好像幾天前的抽筋小貓般。
怪不得有些人說做醫生好像當偵探一樣，而動物醫生更加不能輕易問出答案來（因為動物不懂說話，有時未必會表現出痛楚）
我家貓貓不適了很久，小便中有時有血，驗過全身後都只係壓力問題，好可憐豬，他還有幾天就三歲生日了，希望他會好起來吧。

日蝕

•.* 日蝕下 嘅海島小輪 *
係真㗎，你看第一幅相左邊的白色牆，見到嗎？
是滿牆日蝕的影子啊。
整塊牆都是彎彎小月嘅形狀。
 倫敦街頭般的casual（不是啊，是太平山街獨有的老榕樹風景才對）
三十三度下嘅微風 一個完美、大樹下，被唐樓包圍的舞台。
個個都讚好聽的香港音樂 - 海島小輪 seaside ferry 碰上十分好的舊同學
永遠都愛大家嘅 見山書店，怎麼你總是這麼好？
（你還未去過，真係有啲走寶啊）

魚藻

又話唔出去，結果又出了，見了好朋友，去了領養日，畫咗多啲畫；昨天，去完一整朝醫院啊，獎勵自己，去沙灘。沙灘如常可愛，是真的魚在在藻 有莘其尾。雖然不及四月水清，但還是魚仔滿滿的。有freediving 的叔叔從浮台潛到底（拿了一zaaa 沙上來証明）佢話其實得兩米幾，呢個灘係淺嘅。四月時, 差不多到浮台還看得見seafloor!!!! . 昨天離開醫院後姑娘打電話來，咁通常唔係好嘢，要再回去抽多啲血。
我記得有一年的六月極之唔舒服，很多個星期吃不下東西，瘦了幾十磅(yups), 我有想過我會死😹（也沒有誇張，反而有時被我醫生和machine 姐姐話我太carefree 太不了心，不小心到要入ICU咁😹） 的確，有時想起人全部遲早都會死，就會care less about d 無聊嘢，就會更珍惜重要的東西，但面對不舒服和未知還是很· 總之就nobody would want that laaa! 。
 我家貓貓不舒服了很長時間。可憐寶貝，要加多點愛給他。
但小貓飛吉斯今天情況好好，好感動好開心。 .
沒有花香 沒有樹高 我是一棵無人知道的小草 從不寂寞 從不煩惱 我的夥伴遍及天涯海角 .

飛吉

昨天出了一整天街，已經很累了！我總覺得每次出街（包括做嘢/教班/開會）都遇到太多新奇有趣嘅事，充滿衝擊，要花幾天才能心情平伏，所以不能夠出太多街。

我不就是武漢肺炎前，已經一直自己隔離的人嗎！（但怎麼在別人眼中, 我成日出街㗎！）
其實我出街不過係游水同埋送貨！係送貨呀，日日都係送貨。
咁都係好事嚟，因為即係有人買啲畫同書，要補貨囉！係好開心嘅事！
又或者係開會，或者畫某啲社區地圖。都係好事。
我差不多是不外出食飯的，如果我找你食飯，或跟你出街食飯，咁我一定係好鍾意你！
又或者同動物有關。昨天飛吉斯再回了獸醫一趟。好像他一般的三周大貓貓依然好脆弱，如果再加上濕了水，感冒，就真係生死之劫。大人傷風也辛苦，更何況是這個小小身體，有時肺部未能完全打開。

然後昨天跟一個寶貝妹妹去了清明堂書店，雖然我們不是常常見面（對啊，昨天才把六年前出版的夏愨村地圖送給她；而她昨天才把六年前幫Hong Kong Free Press 做的杯和Tote bag 交給我 - 當年她在剛創辦的Hong Kong Free Press 工作，找了我和賣字幫他們做crowdfunding 禮物）
雖然不常見，但心靈很接近，我一直都好喜歡她。
我和她都在清明堂書店碰見很多朋友！真是一個好地方，溫柔的店長姐姐也有救貓貓的。
.
今早花了一整個早上在瑪麗醫院做例行的覆診，也不是什麼新奇事，但還未做完，要下周回去。由八點一直看那護士姨姨在大叫，因為好多病人又老，又聽錯晒啲嘢，我看見她就辛苦。不夠早上十點她已快要失聲。

本周的繪本班超勁呀，聽了各個同學的故事，實書有好多係比坊間書店出過嘅有過之而無不及，如果可以慢慢畫埋佢，再慢慢修改，有啲可能真係可以將來出版。諗起都戥佢哋興奮。寫故事這回事其實真的很有趣。班中無論係一啲極之簡單定係比較長嘅故事都各有各好，有些很擅用繪本這個medium, 看來會是極有趣的一本圖畫書，有些就紀錄了現世狀況、有些找到了人間的universal struggles, 也有一些就係令人開心和思考的。
真係，令我想起- “That is part of the beauty of all literature. You discover that your longings are universal longings, that you're not lonely and isolated from anyone. You belong.” ― F. Scott Fitzgerald

還有好多事想寫，總之雖然好累，有時打針打到流晒血，有時有初救嘅動物死在眼前（但至少我們盡力過就夠）但整體來說，我都覺得自己超級幸運和開心。
不過要修心回來努力畫畫了（又！）真，真要努力畫畫呀。

V仔

 昨晚，有個陌生人Message我說想買書，並想立刻要，因為中環無書店，所以我拎咗俾佢。她朋友想找繪本來跟五歲孩子解釋第第死亡的事，後來從新聞看到，是三歲弟弟昨天一個意外中突然離世了。 然後另一個朋友也說她要買，因為朋友的太太剛因癌病離世，剩下兩個小朋友。她本在日本治病，遇上武肺，結果獨自在日本離世了，沒有人可以跟她說再見。 他們的親人一定很傷心。 又想起原來也有些時候有人會買書的。
跟做出版、創作、書店的人談天，總會令外人嘖嘖稱奇，因為基本上是無人有錢賺的，整個生產鍊都好脆弱。 昨晚跟書店老闆和記者小姐去夜啡遊，我們兩個白羊座傻瓜十分之唔聽話，不過我們兩個其實是玩得很開心喇。夜媽媽遊南美。

今早游完一公里水，當我苦惱緊幾萬樣嘢未做，又收到飯妹妹的電話，猶豫之間還是去了找她和她門前的貓一定。記得幾天前，在路中心瀕死然後離世了的貓BB 嗎？今天找到多兩隻，其中一隻像上次般已經好脆弱，去到獸醫後也捱不住。另一隻雖然病、流鼻水、有皮膚問題、有蚤（都是基本的了，在街上來的都會有）但他好活潑，吃了很多奶，還爬上我膞頭。超可愛的。 不過，呢個歲數的貓貓（還未懂得自己去厠所，要二十四小時保暖、餵奶）是很不容易的事。
做完以上嘅事，感覺已經準備好去睡覺了。但今晚還要教繪本班啊！

小銀

安息吧 小銀斑仔
今天收到很好的孩子- 阿飯嘅電話，她在小村的路中心，見到一隻躺在地上，可憐地求救的貓仔，只有掌心大小。幾天前，這隻貓貓還跟媽媽和其他貓仔被鎖在一個路邊室外籠中，當時她不以為然，以為有人照顧，怎料今早只剩下一隻在路中心頻死的樣子。
我們一起去了獸醫，但他實在太小太不適了。
小得連抽血都難。
雖然，做動物義工經常會面對死亡，但依然會感到傷心。
另一個義工又提起 「啊，你家金貓貓，當年不也是跟媽媽和弟妹困在一個室外籠嗎？」被偷出來時全身濕晒，病重了。最後也只有我家肥金仔一隻生還。
小銀斑仔，在短暫嘅生命最後都有感受到一點愛，是有名有姓地離開的。
我還幫他想好了下世投胎去邊了，因為他太細個，行都未識行。
我以前在日本也出版過一本書是關於斑紋小貓小B的書。由我姨好寫關於她的貓。
她走完人間的道路後，在天國開了一間形象工作室- 「小虎妹形象工作室」幫助唐貓唐狗們設計好形象，來世再去地球時，會找到一個好嘅屋企。
那本書因為太多字（不是繪本，屬於有畫的小小說）所以在香港只有家寶一個鍾意，編輯說香港無人會睇咁多字。
http://www.maoshanc.com/p/view-on-scribd.html
可憐嘅小生命，在彩虹橋另一端不用再受苦了。
有些幾經辛苦 ，才能去到一個好家庭，成長起來的動物仔，他們都是珍貴的。

一年

明明普普通通做人已經夠累了，自從去年開始，大家的疲累有了新definition。怎麼過去一年嘅事都還那麼歷歷在目，想起還是會心跳加速。
在自己居住的城市，發生着一些以前從來無想像過嘅醜惡事、不公義、令人痛心、事非癲倒的事。好像這幾天充滿歪理的法庭判詞。
一年前的這個時候，有些人可能覺得，這麼多人走出來，大概可以改變到什麼吧；雖然知道真正的改變不會太快，但也沒想過extreme 嘅壞事反而escalate 得咁快。
追求公義與自由的信念可能會有動搖嘅時候，會有懦弱嘅時候，有需要休息嘅時候，但不會隨便輕易被吹滅的。尤其如果大家在這個艱苦漫長嘅道路上能夠互相守望。不要慣。
Today marks the 1st anniversary of the biggest protest in Hong Kong history. Two million + one, out of 7.4 million Hongkongers came out to march.

好書

今早跟朋友說起，我不止一次聽見我編輯在我面前時跟別人講「貓珊這本書這樣那樣不夠好🤣」
當然我一點不介意，什至覺得這是很好的事，因為我自細睇咁多繪本，當然知道有幾多幾好幾勁嘅作品，同埋一本好書可以有幾好。
能夠有一個出版社，一個編輯跟你一樣，不計時間成本，把「最好的」看成最終目標，應該覺得難能可貴才對。
也不怕跟大家說，書店的確有好多繪本係浪費了樹木的生命的，會看壞人的。但不可以因為咁，就把自己的standard 降低。
稱讚很容易得到，在香港，連把追尋夢想當為工作也會被捧到上天。
為什麼要做「最好的」，不是要拿文學獎。是因為一本好的書，什至無目的的，也能讓人找到安慰、共鳴；有目的的，或許可以讓人認識以前從來沒有想過的東西，又可以引起人思考。可以讓小孩子什至大人，切身處地咁明白到一啲好似好遙遠嘅議題。
昨天雅文也說起，好多、好多家長，都來找她推薦書，又會問呢本書睇完會學到乜。他們都想要那種講明睇完本書會有什麼效果嘅書，如：讀完這本，讓小孩子學懂XYZ三種美德的書。但一本好好嘅書通常都唔會當着你的臉說這種事 :P

我在身邊嘅人眼中做書已經好慢，關於動物保護那本書，我用了一年brew個idea，寫和畫了一遍，放低了幾個月，覺得不夠好，再重寫了整個故事再畫過一遍。
我身邊嘅朋友成日問點解仲未做好，點解你仲做緊呢本書，我們的慈善機構中的人，更直情係覺得求其都要快啲出咗佢，不能再等了。
但同雅文合作閒閒地一本書要做四五年。當年「最後的告別」可以拖了四年才出，其實係因為贐明會根本放棄咗我哋，人都換晒😹 所以木棉樹差不多可以話係純藝術純文學性質的。也是有點瘋狂。
但同時，我又覺得我啲香港朋友好過份，印書好似食生菜嘅態度係錯㗎。
不過理想世界中就係小眾題目（如種植呀、殘疾呀、動物又好、各種平權又好），都能找到全人類都能感應嘅切入點，一本書只係夠靚係唔足夠的。 呢個係我哋會以一生努力嘅目標。

我有時會哭，不是什麼大悲傷的哭，只係覺得我就係屬於無才華那種人，雖然我其實都係嗰啲自細讀書好不錯嘅小朋友，但絕對唔係乜嘢聰明或有才華嘅人，但我亦一啲都唔介意（因為我知道一個人要做到想做嘅事，需要好多好多factor 加埋才可以）

現在想來，我自細就在做兒童書，大約二十歲時我阿姨看我的畫都是一臉覺得「不好」我想是因為未有經歷的成熟； 但又失去了小時候嘅童真。
但我也沒有感到太大錯折，因為連我自己都覺得「不好」要天天練習和研究。不過也從來無諗過要做第二啲嘢算。

研習

今晚會係第四堂繪本研習班。
頭三堂介紹嘅繪本都好認真。
我諗起以前讀大學，去巴黎，最深刻嘅回憶就係去書店。
法國嘅繪本無論故事和畫風都跟美國英國的不同。
我諗起十年前去越後時買了五十幾本書...
但我好滿足。
我諗起去年在日本做十年展，我是十一年前認識十分有名的繪本家田島先生；那天個talk 佢講到「呢個好嘈嘅女仔」（即係我）「竟然（在日本）遺返規矩，執意要每天回到繪本美術館去拖地和畫畫」（本來應該每天去不同藝術家處工作）

今天的課要做一個大嘅warm up exercise. 雖然會講吓點畫一幅畫，不過我覺得重點係「其實我每畫一幅畫前都好似其他人咁會覺得 - 唔會畫得好/我會畫唔到」然後，開始了第一兩天也是覺得，畫得很爛，但就只要堅持畫埋落去就會變好了。
第二就是，有天有個朋友跟我談起，有好多議題都好有趣，問我她該做什麼好；我覺得呢，一定要做跟你有心靈感應嘅議題啦，就算畫畫都係；如果只係畫一幅風景係無意思的啊，如果你無實際去認識過那個地方，如果那裹沒有感動你的東西.... 那不過是photocopy~

發現有啲好出名嘅繪本，都未必係個個睇過，這完全不是問題，那不就是來對了地方嗎。也有一個應該係年紀最大嘅同學仔〈第一堂課帶了一本好傳統（較為說教的繪本來），她有點害羞想把那本書收起來。
有一個做藝術書出版的同學，每次帶來的書都好靚，像藝術書多於繪本，但也是無所謂的，因為無strict definition的嘛.

第一堂課講了大概乜嘢係繪本，探討了係唔係只係小朋友先可以睇繪本？
- 分享了 Rosie's Walk (Word-visual interplay)
- 森林大熊 （繪本可以探討的議題, 這個是環境/城市發展有關的）
- 「我吃拉麵的時候」 和 「花奶奶」（和平與戰爭的)
- 同埋keep sketchbooks 的重要性

第二堂講咗乜嘢係storyboard
- 同學做了一啲日常生活小故事嘅六格storyboard，大家講的故事都好有趣，在別處記下來了
- 講了點做Rosie & Ted 故事書嘅過程
- 也講多了少少啲圖畫書嘅形式 / size 有長好瘦展現天空好高的；也有打橫好闊的，每頁都像鱷魚咁長的/use of white space/colour
- 一起讀了：挖土機年年作響 (Special form and hidden message)
- 也讀了：Rose Blanche (War and use of colour)
- 還有：熊與山貓 (Bereavement, and use of colour)
- 故事中嘅故事e.g. Anthony Browne Into the Woods

第三堂
一開始做了一個自由畫嘅 warm up exercise, 發現大家明明畫畫都不錯
- 說到小朋友畫畫
- 從日常生活中取材 （及畫地圖）abstracting things from what u see
- 一起讀了 因為同學問到是: Goodbye Grandma Erma
- 也讀了：從山裏逃出來 Environmental & Form of pic book
同學嘅 booksharing 亦好有趣
有想畫山同學 : 帶咗 夏日的一天，寂靜山徑的呼喚，
有南北韓小朋友嘅故事，同埋一個潮婆婆嘅ABC book，有治療心靈嘅
- 也一起讀了：和平是什麼 （也不一定係一個/有主角的）

本來第四課是想說這些的，但也很想講bereavement books, 不過可能那要第五堂課才講，真貪心。
無論如何都會先有一個大嘅warm up exercise

因為頭三堂講嘅書都好serious, i mean they are all super good books. 今堂想講啲發夢，同埋無乜意思嘅書。
我已準備了十張相，是香港不同街道的風景，每人畫一份，諗吓今次要畫仔細啲，我覺得畫完一區嘅城市風景好似摸完嗰條街每一個block 每一個surface 咁。
然後呢，佢哋要喺另一張紙上面畫一個人（貼返上去）
然後就會做Chinese Whisper 嘅活動, 我會請Becky 話俾第一個同學知（一個文字description of 一條魚，第一個同學要whisper to second person and so on, 總之大家要畫返出嚟，（但不能偷睇鄰座同學）
然後就可以貼返落自己幅畫，- 然後將所有人嘅畫痴埋就會成為一本大嘅fold out book


其實我仲有好多好有意議嘅書想分享
- 好似講自閉小童的 （而且大部份嘅日本書都係好好的example of 畫畫不用精細唔使超靚的）不可思議的朋友
- 講動物保護的 奔跑吧，蘿絲
- 或者唔heavy 嘅 巴黎的獅子（勁嘢）
- 或者係The Arrival （無字書，上次叫他們回家找了，關於上一代移民嘅故事）
- 或者係獨眼貓

但喺無離頭故事中又搞笑嘅應該係十一隻貓嘅系列。

可能也會講吓在末日裹做繪本有意思嗎的問題？
- 呢個也是 雅文個訪問講嘅嘢
- 亦令我想起yvonne 講嘅嘢