執着

解決學術上的迷思，最好問小朋友，今日放棄銀芽，在康記遇上日日都活潑可愛的小朋友。我小聲說「咸肉粽都唔錯」小朋友就不斷問我係咪要咸肉粽，「想咪要囉。」然後勁大聲叫醒一臉倦容，伏在桌上休息的伯伯去煲粥。在他看卡通之際，我把他的小紙盒修理好，伯伯端上即叫即做的手拉腸粉。康記在京街已有三十多年歴史，生意卻越來越差。租金不斷上升（近年升了三倍），區內新店越開越多，小小粥店要養活幾個家庭，由小孩到八十多歲仍負責蒸腸粉的爺爺，還有老闆哥哥剛從內地來的一家。09年飲食男女的訪問中老闆說：他很少看電視，歌星來買粥，影星來買油條，都不知是誰 。 記者來採訪，他連《飲食男女》也沒聽過。 「 邊得閒睇雜誌？咁多年，我最遠都係去過尖沙咀㗎咋！日日都要開工(早上六時到晚上一時半），返到屋企又要睇住幾個仔女，去得邊度？」前無去路、後有追兵，心裏有說不出的酸苦，他嘗試過轉型，但總是失敗收場 。「天無絕人之路嘅 ！ 以前鄉下耕田仲辛苦啦，而家有得做就唔好諗咁多！點都要頂硬上，煲好啲粥囉！煲好啲粥總有人識欣賞嘅！」他在粥檔前說。
小一和小二的兩個小朋友雖然常常鬥氣，但十分活潑可愛，我從袋裹拿出三本繪本，他們最喜歡的當然是貓太噼哩噗嚕在海裹（ねこた ププピピ 海のなか），把故事重覆講了很多次，小朋友又站在椅子上大叫「變造屎吧」（故事的情節）我細個都在舖頭長大啊。
「他的粥，其實一直做得很好。像煲生滾粥的材料，他嫌送來不夠新鮮，就堅持每天踏單車到灣仔及銅鑼灣的街市買料。 豬肉、牛肉、鯇魚、雞肉等，全都是新鮮貨。他又曾當多年米農，對米很熟悉，會因應不同時節，選用不同地方的米來煲粥。「舊時我用大陸油粘米，六月一造、十一月一造，造期未到就用澳洲雙羊米。後尾發覺日本珍珠米原來一年四季都有，膠質重又少雜質 ，試過效果好好，雖然貴少少，但我都轉用珍珠米。 他對米真的有份執着。」ibid.
人情味，今天很好，但香港不太好。
我檔炭爐雞蛋仔呢？害得我們要專程走出天后買沒炭味的...